越北牛肉粉專門店 (已結業)

今日去到沙田市中心，行过好运中心，见到佢经过全新装修，感觉好似唔同左。于是我就走去睇下有咩改变，好彩的是好食的越北仲系度。见行到饿饿地，就一于入去叫野食，唔系就真系会饿扁自己。由于太肚饿，所以就叫左一客咖喱牛腩饭、金边扎肉米纸卷、鱼露生菜同埋一杯冻越南斋啡。先讲个咖喱牛腩饭，咖喱味浓，牛腩又唔un，用来捞饭的确系一流，食牛腩最怕佢硬，但呢碟牛腩饭就无呢个问题。然后就系个金边扎肉米纸卷，食落去菜味肉味俱存，同咖喱牛腩饭，呢个清新，味道又唔错，正。之于个鱼露生菜，真系真心推荐，平时食菜食开蚝油，今次就食鱼露，咸咸地调到味，令人食指大动。最后梗系唔少得杯冻越南斋啡，饮开越南咖啡都知，佢地d咖啡味系唔同d，今次一饮就饮得系越南品种，货正价实。估唔到今次再到沙田，仲可以食返越北，劲开心。