M3 Italian (已結業)

在附近探朋友后揾野食，在积富街由街头行到街尾，发现都有超过10间餐厅，最后选了外表好似最高级及西式格局的意大利餐厅。装修有格调，坐位亦阔落舒服，坐在窗口边，望住外街食饭，好写意。鲜带子龙虾汤都好似有成10只带子，份量算多，龙虾味浓郁，有层次感。肉酱意粉配日式温泉蛋配搭几好，除了肉酱外仲有烟肉及碎肠仔，份量丰富，亦唔觉油腻。西班牙烧乳猪好似有¼只，烧得好皮脆肉嫩，亦煮得入味，看落唔系好多，但食完后会觉得肚将胀晒，好满足。