和氣食堂 (河畔花園)

营业中

休息中

今次朋友聚会，我哋就拣选左沙田河畔花园地舖，一间方便泊车嘅日本菜餐厅-和气食堂。门口非常方便可以泊车落客，而且店舖位置非常当眼，好容易就揾到。餐牌中有各式各款嘅美食，而且图文并茂，食物图片非常吸引。我哋先叫前菜开胃冲绳和风沙律，配了相当新鲜嘅生菜，食落去非常爽口鲜甜，再配以蕃茄仔、洋葱丝，同埋一些粟米粒，捞埋啲沙律酱汁一齐食，味道非常清新好味。炸物方面，我哋就叫左天妇罗盛合，当中有炸虾，青椒，矮瓜同埋甜番薯。炸虾有四大只，炸得香脆可口，食落去有好新鲜嘅虾味、青椒相当清甜，再点埋酱汁非常正。除此之外，甜番薯亦都很鲜甜，口感好林。芝士软壳蟹卷，一份切成四件，软壳蟹炸得香脆可口，再加埋热辣辣嘅饭团同埋紫菜，配以面头嘅沙律酱同埋蟹籽粒，根本唔需要点Wasabi同埋豉油，都已经好够味。另外再Order咗双重芝士鳗鱼卷同埋糖心蛋，都已经食得非常满足。