德美壽司

营业中

休息中

今日早少少收工，入去沙田接老细，顺便揾嘢食～～河畔附近都有好多食肆，估唔到德美开到嚟呢度～之前响观塘食过食物质素都唔错，沙田呢间店舖装修仲好有特色，成间居酒屋咁！😻时间尚早，冇乜人～快啲入去点餐！晚餐有好多款可以拣！我当然系食返刺身丼啦！！两只甜虾又大又新鲜，个头仲有虾膏㗎！😍三文鱼十分肥美，配埋三文鱼子，仲有熟三文鱼肉，跨代亲子丼呀！😝🤭两粒刺身级带子，鲜嫩爽甜，点少少酱油同wasabi，满足口福！！估唔到佢个饭系有野菜同菇丝，口感好丰富！Yummy！老细叫咗吉列猪扒咖哩饭，个咖哩好香～😋日式咖哩唔辣，甜甜哋，啱晒佢！！件吉列猪扒真系炸得好靓！😘👍🏻首先个粉一啲都唔厚，而且见猪扒仲好juicy，好弹牙！！连我唔系太钟意食吉列猪扒嘅……都忍唔住食咗一件～🤭😅呢度仲有串烧食，所以叫多个鸡中翼、虎虾同埋翠玉瓜～鸡中翼烧到皮脆肉香，又唔会太咸，啱啱好！！虎虾真系好大只！！🤗啲肉好爽口，又系烧得啱啱好！椒盐调味都啱啱好！翠玉瓜落咗少少牛油，烧出嚟好香，仲好juicy添！！佢套餐会跟埋面豉汤同蕃茄沙律，所以份量真系好足够，两个人食都唔使$400，店员仲非常亲切，啱晒街坊！