少爺泰 (已結業)

河畔呢头好多嘢食，老公阿女都想食冬阴功，今次拣咗泰国菜。好彩早啲嚟，门口越等越多人。特浓冬阴功汤配大头虾，味道浓郁，椰汁味香，辣度啱啱好。只大头虾都好新鲜。马拉盏炒通菜，这个真是不得了，咸咸香香，有少少辣，炒得好惹味，非常可口，真的不错呢！熔岩椰青海鲜焗饭，卖相虽然冇菠萝饭咁浮夸，但系用个骷颅头杯装住椰青水确实有趣，椰浆像熔岩般流出嚟，材料包括两只新鲜带子、两只青口、两只虾，蛋炒饭底，饭加咗椰青肉炒，好特别，个汁甜甜地，感觉好可爱。冬荫功鲜蚬肉螺丝粉，份量都唔少，阿女坚持要吃螺丝粉，仲有佢喜欢嘅蚬，成餐最辣这个，越食越滋味。最后都忍唔住叫咗两杯冻饮，柚子沙冰同荔枝沙冰，食泰国菜味道都好浓，饮沙冰好解渴。