河內越式料理 (村南道)

营业中

休息中

沙田罕有越南菜，好多时都会挂住佢，久唔久就会又想食越南野就一定意起佢。加上佢地点非常方便，就系大围车站对面马路，所以都系我经常会帮衬嘅一间餐厅。当然食物都一定有特色之余，仲要好味先得，当然有时放工夜就会唔想煮饭，所以有时我都会买外卖返屋企，每次返到屋企都可以保持到仲有温度嘅，真系好难得，证明系控制外卖菜时都有啲心机，唔会下下煮定晒啲野系到。所以真系值得一赞。佢嘅烧猪颈肉真系每次我都会必叫嘅，打开一定闻到佢个香味，食落仲要好滑好香好好味，配饭真系一流，而佢个猪扒同样都系仲有温度，外脆内软，唔会干真真咁，最最难得嘅系每次外卖佢嘅酱汁都好细心，一定唔会比漏，一个跟一个，明显呢啲真系好用心做啲餐厅，所以点会唔成日帮衬。