櫻田日本餐廳

呢到地点方便，令我每次有聚会都会想起樱田，服务有礼貌又细心，师父nice，次次都会有精心推介。今晚又有好野食，入秋了，有最肥美的秋刀，一条可切6件左右，处理秋刀要求的刀功极高，因为多细骨，要每条抽起而又不影响外观，少d心机都做唔好，加上，秋刀做刺身一定要极新鲜，我只信呢到。伴住酸汁食，秋刀另一番风味，肥美鲜甜完全引出（我唔系专业摄影）店长推介法国蓝龙，师父推介象拔蚌，由于我地都系钟意刺身啦，选择了象拔刺身，师父为了令其口感更加爽脆，于是切条，味道十分鲜甜浓厚呀！请留意，上碟都经过一番心思，视觉都满足埋！好喇，进入中段，再黎个刺身set，每次晚饭都order，冇失望。虽然系set，但水准高。想食点饭了，于是叫左炙烧佐口鱼边寿司，最钟意佢肥厚多脂、肉质柔软细腻! 火炙后，香，口感丰富，落爽又甜，甘甜鱼油缓缓渗出，浓郁甘香，入口即溶。正！我以前唔钟意食架，系自从系樱田食过就爱上，试过其他餐厅，都系呢到水准高。最后黎碟铁板鸡肉炒乌冬为结尾。服务员仲好殷勤地问要唔要雪糕。美妙的一个晚上。