順。越南牛肉粉

营业中

休息中

顺。越南牛肉粉 今次要介绍喺沙田好运中心3楼平台大装修后，依家多咗好多间新嘅餐厅，而今次拣咗呢间餐厅叫「顺。越南牛肉粉 」，佢哋最出名就系生牛肉，未到两点我就开始攞筹，有个男店员好好人，叫我哋入去坐住先！我哋早咗大约10分钟入去坐，开始睇menu有咩食，睇睇下有位女店员催我哋落单，我话你问男店员先啦，谂紧食咩都唔得，我谂女店员未识咩叫做「好客之道」，比面男店员算啦！1.生牛肉牛肉丸汤粉（河粉）$62+三色咸柠七$12（9/10）叫咗一碗生牛肉牛肉丸汤河，拣咗河粉，河粉量都几多，牛味汤底都算浓唔会油，生牛肉薄切唔肥，牛肉大约有10片，仲有4粒爽口弹牙牛肉丸，其他配料有芽菜、洋葱同青葱等！饮品拣咗三色咸柠七，入面真系有三种柠檬，再加一罐7UP汽水！2.河内蕃茄蟹檬（金边粉）$72+紫米乳酪沙冰$26（9.5/10）叫咗一碗河内蕃茄蟹檬，拣咗金边粉，金边粉好爽滑，份量都算多，至于配料十分丰富，包括有四分一只蟹，蟹肉都算ok多，仲有其他配料包括有2粒好弹牙嘅虾丸、4块扎肉同几旧蕃茄肉等，汤底系蕃茄汤底，完全无味精，唔错唔错！饮品就拣咗紫米乳酪沙冰，乳酪沙冰唔会好甜，不过好快饮哂，好难饮到紫米，