和氣食堂 (河畔花園)

营业中

休息中

食过黄大仙分店，知沙田都有一间，今日探老友，正好同佢一齐黎帮衬。7点几已经要排队，咁火爆😆终于坐低，虽然店面不大，室内装饰都几精致。餐牌选择真系好....丰富！睇到眼花花👇🏻【田园野菜沙律】红绿配搭，清新爽口，陪有黑醋汁，啱晒开胃菜。👇🏻【5点刺身】三文鱼、油甘鱼、帆立贝、鲜虾、吞拿鱼。三文鱼厚切，肉质滑嫩。帆立贝新鲜软糯，夹在中间的青柠片提高了鲜味。鲜虾刺身肉质鲜嫩，虾头多汁。所有刺身都好新鲜，高质素！👇🏻【大阪猪扒丼】好似系期间限定，上菜时真系好震撼，个菜丝堆到好似山咁，铺满鱿鱼丝，又系一路食一路寻宝咁😂 炸猪扒外酥内嫩，仲有炒滑蛋，内容几丰富。👇🏻【黑豚烧腩丼】猪腩烧得好入味，不过好似过火了小小，有小小lon味，但猪肉肥瘦均匀，配上清新葱粒，不错之选。串烧👇🏻【千回火鸟】烧鸡全亦，火候啱啱好，鸡亦外焦内嫩，小小辣，几入味。👇🏻【日式炒杂菜】份量十足，铁板热辣辣，配白芝麻、鱿鱼丝，清爽之选。我地眼大肚细，最后食唔晒要打包，但食得好满足，会再黎帮衬。