天下茶屋 (置富第一城)

营业中

休息中

第一城日式乌冬！呢间餐厅都几多人排队等外卖，之前喺深水埗分店食过lunch，烧咖喱饭系列都唔错，今次会尝试下佢个乌冬，汤底嘅选择几特别。酱油猪软骨汤乌冬$66- 我拣咗樱花虾明太子薯蓉忌廉汤，就咁饮过汤都几重薯仔味道，盖过咗明太子味，食到最后因为薯蓉好饱肚，都几济。猪软骨偏咸，质素普普通通啦，都系咖喱饭系列好味啲。烧咖哩芝士唐扬炸鸡饭$65- 满满嘅半融芝士，加上爆汁嘅流心蛋，送咖喱饭食一流！唐扬炸鸡肉质干咗少少。抹茶豆腐饮$20- 叫咗走甜走冰，抹茶都系比较淡，豆腐好似融入唔到杯饮品入边，变咗水还水、渣还渣。