TC2 (Tea Coffee Two) (已結業)

呢间餐厅可以用草草了事嚟形容,因为同朋友行开联合见肚饿所以去附近揾下有咩食，咁岩经过呢间餐厅又俾佢个气氛同装修吸引住,所以就入去试啦,我地三个人叫左一个烧汁牛肉炒意粉、蟹籽烟三文鱼忌廉意粉、安格斯牛扒仲有蜜糖烧鸡翼同炸薯角,先讲两个意粉卖相真系颓到不能形容，好似屋企呀妈见雪柜有咩就求其炒埋一碟就算 毫无半点诚意，重点系价钱唔值加埋餐汤都要$110左右仲要加一收费，我想讲完全唔值啰，老实讲呀妈煮仲好食起码有诚意同爱心呀，咁既质素茶餐厅都不如呀，到牛扒真系嬲到喊出嚟,百几蚊块扒以为好好食啦，点知成碟碟头饭咁讲真百几蚊一块扒去outback食都食到，仲要好食10倍系呢度完全浪费左啰，又冇牛味成块扒得阵油味应该落左好多油去煎，另外蜜糖鸡翼都唔系太好，感觉好似已经好多日，肉质已经硬晒，一d都唔软同冇汁，要靠蜜糖食先好食，另外三个餐汤我地叫左两个杂菜汤同一个南瓜忌廉汤，两个菜汤完全冇味，好似水一样，而个南瓜忌廉汤就唔错只系暖，唯一系唔够热。果日我完全冇影过相因为已经食到成肚火加冇晒心情啦，所以废事影，我真心建议大家唔好去试，因为真系会令你好失望同好伤心，咁既价钱食物质素居然咁样真系会令你好后悔，