河內大娘越南餐廳 (已結業)

成日出尖沙咀食来食去都系西餐cafe真系有D闷，见到河内大娘越南餐厅的评价都唔错，所以今日同朋友去试试。餐厅唔算大，但都坐得舒服，虽然人手D有不足，但上菜都好快。鸡丝米纸卷 - 米纸卷透薄爽脆，配上鸡丝同蔬菜味道清新，可惜得四件，分量偏少。烧大虾柚子沙律 - 烧大虾真系几大只同新鲜，柚子沙律味道唔错。大娘越式三文治 - 诚意推荐，面包烘得酥脆内软，配料有烤猪扒及札肉，加上蔬菜同酱料真系非常好味。香芧烧猪扒饭 - 煎香左的香芧烧猪扒配上葱花油够惹味，不过细块左D。熟牛肉河粉 - 餐牌写系用安格斯牛肉，食落又真系好有牛肉味，汤底带牛香又唔会太油腻。而越南河一般配以芽菜、九层塔、青柠及辣椒，但原来这是南越人的吃法，北越人则只会加青柠及辣椒，所以今晚就冇得加芽菜同九层塔，但河粉都好滑好好味。整体而言，要加一虽然唔算平，但味道同环境都唔错，而且冇限时坐几耐，有机会系可以一试的。