河內大娘越南餐廳 (已結業)

仲记得暑假去澳洲既时候，日日依薯仔、意粉、薄饼，我有一日忍唔住，一支公，一支箭走左去唐人街个熟食市场食碗PHO。从此人地问我如果世上只剩一样野食，我想系咩，我可以大大声讲系一碗汤粉面，个个治愈效果系千金难买！黑雨过后同同事黎间新越南餐厅一试，地点好方便，P3地铁一上直行就到，招牌够光，一眼望到！越南炸虾饼$68虾饼看似简单，从折肉到打到起胶，真系下下都系力！越式既虾饼又混入香茅，所以食起有阵淡淡既芳香:）口感爽口弹牙，懒人最开心啖啖人肉！烤牛肉沙律$68越式沙律就系咁开胃，味道咸鲜带酸甜微辣，感觉好清新健康！蕃茄、青瓜、洋葱都好爽甜，最钟意系个d炸蒜片！软壳蟹米纸卷＄78越南米纸卷就系当地既经典小食，米纸薄得透光！包著包罗万有既材料:芒果、青瓜、生菜同主角软壳蟹口感十足，配埋惹味汁，真系食唔停口！椰青蟹$368个个食大闸蟹，我就食膏蟹玩特别！只蟹都算大，两个人分岩岩好，仲有超多糕。由诉用成只椰青，个汤甜到痺，饮左几碗！生牛肉粉 ＄68个汤底都好清甜，慢慢见住D牛肉红变啡，都几开心。