南記粉麵 (福苑)

营业中

休息中

平时食得多米线，想转下食其他汤面类，我会推介食南记。味道算唔错，价钱都可以接受。同朋友两个各叫左个三牛河同招牌鱼蛋河，外加几条招牌春卷。河粉食落好滑，牛腩唔似某d 茶餐厅，用d又老又韧既低成本牛肉扮牛腩，所以食落有牛肉味而且淋淋地，食落几好味，牛筋都唔会硬过石头，食落口感岩岩好，不过牛丸味道就普通左少少，整体呢碗三牛河都唔错。至于碗鱼蛋河，鱼蛋食落弹牙，唔错值得推荐。春卷我个人黎讲觉得唔好食，只系一旧面粉团连同肉搅埋一齐，食落味道都唔算特别吸引，同我想像中茶楼食到既春卷系两样野。呢间南记味道唔差，一到食饭时间就排晒长龙，想揾个位都比较难，如果唔介意等位，可以值得一试。