阿叔泰麵 (西菁街) (已結業)

内里装潢富有泰国特色，有纸伞又有水枪加上播埋泰文歌，真系有啲冲动想再去泰国自己叫左鸡肉船面，𩠌系鸡锤同鸡肾，粉面类可自选，话黎食船河梗系叫河粉啦我，配料有炸猪皮，花生碎，芽菜，通菜。汤底香浓，重鱼露香味。落左少少辣粉，汤底咸中带点辣，更加惹味。大大片泰式河粉，而且薄得黎唔易碎，吸收埋啲汤汁，入口好滑，真系会食到咮咮声。小食叫咗双拼肉丸，六粒牛丸六粒猪肉丸，仲有大量通菜和芽菜，肉丸够弹，似系手打肉丸。牛肉船面，𩠌有牛丸加牛腩，牛腩又香又腍，一啲都无痴牙。汤底略深啡色，牛味重且带泰国香料味，金边粉份量适中。