Sky726

烟三文鱼沙律本身见到个价钱都有啲犹豫应唔应该嗌，但系一上到黎嘅时候觉得非常惊喜，烟三文鱼切成一个玫瑰花形状，而且下面嘅沙律菜亦都非常有心思，味道亦都调配得好好。忌廉青口份量都几多，配埋蒜蓉包简直系升华晒。青口都几大粒，忌廉味都好重。咁似我同朋友仲特登叫咗法式油封鸭伴红酒橙汁，平时喺出面好难得先有得食到油封鸭，以佢嘅份量一啲都唔少，油封鸭处理得非常之好，亦都唔会过咸。而佢嘅酱汁亦都配搭得几好！今次仲好奢侈地嗌咗件鹅肝🤣鹅肝好厚身，油脂比例都好高，虽然好肥，但系真系好好食🤣