影片
更多
2016-05-20
246 浏览
今日星期天亲子日我哋去咗天后一间叫101肉燥饭专门店食个Lunch叫得肉燥饭, 唔止食到肉, 我哋仲食到好"燥"!!! >.<佢位于天后港铁站A出口左手边! 我哋差唔多1点几入去, 唔驶等位!店内环境干净(可能因为新开啦! 半年后就唔知变成点), 间隔成打直长方形, 通道有D窄, 行过都惊撞到人哋墙上挂住餐牌! 其实佢同枱上既餐牌一样! 只系放大成张野印番块Foamboard出嚟贴喺度D字细到飞起, 因为佢比例上同枱上张餐牌一样, 佢哋应该要知道贴咗喺墙上面就会唔同架啦!呢度有散叫也可以叫套餐, $62起跳有主餐+小食+特饮! 都系𠮶句, 如果好食就唔算贵!最值得赞系有个籐篮喺每一个櫈底度! 可以俾人放低个大书包大袋, 呢吓都几细心! 当然佢都唔想有人用个袋霸住个位啦我哋叫咗一个香茅猪扒转咗川粉(似上海面) 同埋一个套餐, 酱汁烧鸡扒卤肉饭+小食盐酥鸡+朱古力牛奶雪香一般台湾特饮, 杯朱古力同一般茶餐厅冻唂咕差唔多, 只系上面加咗雪香片!香茅猪扒都真系有香茅味既! 同埋好「林」唔难咬, 个面都唔太差, 只系个卖相求其咗D跟住个小食盐酥鸡就得两只, 少咗D! 用酥炸方法但
叫得肉燥饭, 唔止食到肉, 我哋仲食到好"燥"!!! >.<佢位于天后港铁站A出口左手边! 我哋差唔多1点几入去, 唔驶等位!
店内环境干净(可能因为新开啦! 半年后就唔知变成点), 间隔成打直长方形, 通道有D窄, 行过都惊撞到人哋
墙上挂住餐牌! 其实佢同枱上既餐牌一样! 只系放大成张野印番块Foamboard出嚟贴喺度D字细到飞起, 因为佢比例上同枱上张餐牌一样, 佢哋应该要知道贴咗喺墙上面就会唔同架啦!
呢度有散叫也可以叫套餐, $62起跳有主餐+小食+特饮! 都系𠮶句, 如果好食就唔算贵!
最值得赞系有个籐篮喺每一个櫈底度! 可以俾人放低个大书包大袋, 呢吓都几细心! 当然佢都唔想有人用个袋霸住个位啦
我哋叫咗一个香茅猪扒转咗川粉(似上海面) 同埋一个套餐, 酱汁烧鸡扒卤肉饭+小食盐酥鸡+朱古力牛奶雪香
一般台湾特饮, 杯朱古力同一般茶餐厅冻唂咕差唔多, 只系上面加咗雪香片!
香茅猪扒都真系有香茅味既! 同埋好「林」唔难咬, 个面都唔太差, 只系个卖相求其咗D
跟住个小食盐酥鸡就得两只, 少咗D! 用酥炸方法但唔够脆, 有D油唔够干身!
叫得系肉燥饭专门店, 梗系要试吓佢D肉燥, 食落唔太差, 唔系一般街食到的, 香口!
𠮶3件玉子就差咗D, 一咬落去好胶! 又唔够干身, 好油好油, 如果系带子(少一粒都OK)可能会好D
鸡扒就似用焗既方法, 重BBQ味, 但系劲似KFC食到既鸡扒, 所以冇特别! 如果做到鸡皮脆就正!
讲完嘢食啦终于! 跟住要弹既系佢既服务态度, 你可以话食几廿蚊嘢要咩服务态度呀!系! 我唔驶你笑住咁对我, 但系又我入嚟想叫嘢食到走, 都真系暂时唔会想入多次嚟食
首先我第一次嚟人生路不熟, 问第一句随口噏自言自语「呢度点叫架呢? 」佢就好冇Hea咁话「都系咁叫架啦, 一系睇餐牌叫, 一系叫套餐!」跟住问佢咩叫川粉...等问题都系好唔想答咁答我
跟住哥哥坐得唔舒服落一落地推埋D张櫈, 撞啱个呀姐又拎住嘢食就嚟想放隔离枱(根本都冇接到佢), 就话哥哥「唔好乱咁郁呀....」(仲有, 不过唔Exactly记得系讲咩) 一D爱心都冇, 我本来都可以因为佢好忙体谅吓佢, 但系间舖一D都唔多人, 唔系最忙既时侯!
不过可能系个别例子, 我戥间舖既老细唔抵有个咁既员工!
张贴
