唐宮中餐廳

营业中

休息中

今日中午Uncle同Auntie特意约咗我们饮中午茶提早预祝妈咪生日，我们当然系去返我们嘅老地方何文田九龙维景酒店嘅「唐宫中餐厅」啦！我们叫咗蟹籽赛螃蟹饺嘅饺皮都算薄身，质感好烟烟韧韧，至于馅料嘅味道就比较清淡！豉油皇海鲜炒肠粉炒得好够镬气同好够干身，肠粉嘅质感好烟韧弹牙，味道啱啱好，唔会过咸，而且表面轻轻煎香过，所以食落更加香口惹味！潮式蚝仔肉碎粥嘅蚝仔相当肥美，而且份量竟然比肉碎多，所以汤底嘅味道非常鲜甜，感觉都几抵食！竹林上素甫嘅卖相唔系好吸引，因系用一块大腐皮包著啲粟米、红萝卜同其他杂菇等等等等⋯⋯本来以为呢个会系比较清淡，但由于有好大量嘅油份，食落成个口都系油，感觉超油腻同超失望！菠萝鸡粒三文鱼粒炒饭炒得好干身同粒粒分明，鸡粒同三文鱼粒系有轻轻煎过，所以食落都几香口，再加埋清甜嘅菠萝粒一齐食，感觉相当清新，而且唔会有好油腻嘅感觉！芝麻沙拉拾香骨嘅肉质非常松化软滑，但沙拉酱嘅份量超级多，多到好似沙律酱汤浸拾香骨咁，所以感觉极之腻，呢点系令我们觉得相当失望！