古琴雅苑 (QRE Plaza)

营业中

休息中

是夜同事聚会，拣咗呢一间中菜厅，听闻水准唔错，大家都好期待。晚饭时段分两节，六点同八点。六点钟我哋放工过去一定八点还唔切枱，所以就订左八点。我哋准时八点钟到，已经有枱准备好喺度，即刻可以入坐。一行四人，叫咗一个汤，一个前菜，半只烤鸭，火方，同埋最尾甜品。叫左钞锅咸肉冰豆腐汤，个汤不过不失，其实系因为知道个汤入边有啲菜，所以先至叫咗呢个汤，当食下菜啦。四小拼系有四款冷盘组成，价格合理。最好食系鸡丝粉皮，好浓郁嘅花生酱味，赞主菜系半只北京烤烤鸭，唔包卷饼咁先试一块鸭，满满都系系鸭油香。皮下面既油脂唔系好厚，所以食多几片都唔会腻。肉仍然keep到好多汁。配料方面，除咗有青瓜之外，重有蜜瓜同京葱俾你一齐包。蜜汁烧火方火腿切得好薄，个汁甜度岩岩好，除左夹火腿系个包入面，再用个包点埋落啲汁度食，唔好浪费呀嘛最后食左个高力豆沙当甜品，不错，作为呢餐晚餐收尾岩岩好。