糙米家

营业中

休息中

想来帮衬这家食肆很久了。在开饭喇睇过相片及评语，好似唔错。以糙米为主食的餐厅，感觉菜式应该比较健康。今天要到湾仔购物，一于去尝试这店。结果很失望，食物质素与味道都唔掂。我们点了两款午餐：莲藕虾饼饭及煎蛋猪扒饭。先讲呢碟莲藕虾饼饭。莲藕虾饼非常油腻，应该系做好有客叫再返炸。仲有返炸时油应该唔够热，变得好油腻。伴碟有一大堆葱油，本来是好事，但完全冇香葱味，仲有少许醙。唯一值得赞的是伴碟椰菜份量足。至于𠮶碟煎蛋猪扒饭，惨不忍睹。猪扒系好大件，但有猪骚味。又系返炸出品。味道也一般。附上的葱油也有同一问题，有点醙。糙米饭也不够热。整体上就是成碟都不新鲜。感觉不到他们做食肆的诚意，所以不会再帮衬。