孖啡 (已結業)

孖啡已经唔系第一次嚟啦, 贪呢度够就脚, 又好坐, 确系唔错嘅聚脚点。 占全层嘅孖啡间开咗两边, 今日星期六, 晏昼非常旺场, 其中一边已经full咗, 我地坐另一边, 无咁多人, 静静地仲好。朋友同我都不约而同拣咗日式黑椒牛柳粒饭, 𩠌同饭嘅比例几乎系一比一, 牛柳大旧得嚟食落唔会韧, 只系略嫌咸咗啲啲。三色椒轻轻炒熟, 食落爽口清甜。 跟餐送你一杯$38饮品, 我就加钱拣左Oreo 奶昔,  饮落超级 milky, 仲非常饱肚, 搞到我连个饭都食唔晒。朋友点嘅审判 (青苹果、菠萝、薄荷、柠檬沙冰), 颜色有点浮夸, 但饮落冰凉清新, 非常消暑。每次我都必定+$28食埋个心太软。今次当然都唔例外！脆皮软心, 好食过唔少西餐厅㗎。