小草十八怪

营业中

休息中

我好钟意食早餐，油麻地区嘅港式早餐基本上都试过了。😋😛见屋企附近有新开嘅餐厅，即刻去试吓佢嘅早餐。我都唔算拣饮择食，但竟然俾我发现连公仔面都可以煮得难食到嬲嘅餐厅。🥶舖头环境无咩特别，可能我唔太喜欢偏蓝嘅灯光，所以觉得唔算坐得好舒服。楼面人手不足，唯一一个姐姐都不停走嚟走去🏃‍♀️处理外卖、埋单同顾客投诉（无错，喺我等叫嘢食嘅时候，陆续都有客人投诉个面唔热等等）。早餐选择款式较少。我拣咗雪菜肉丝公仔面，跟餐送火腿、太阳蛋同丹麦多士。所有嘢食都果然系冻嘅，火腿、蛋、多士都俾一层冻冰冰嘅油包住。多士虽冻，外层依然酥脆，但中间一咬落去就有冻咗嘅油涌出嚟，加上有阵雪味嘅牛油，我食咗一啖之后真系继续唔到。个面系重点难食，可以话系全区最难食嘅早餐。雪菜肉丝有雪菜有肉丝，但食落就唔系好似食开嘅味道，因为好甜。佢一饼嘢嘅程度令我知道佢系冻嘅，放入口果然不出所料。个面口感食得出系浸出嚟，而唔系煮出嚟。🥲最令人惊讶系佢竟然就咁用啲有阵面味嘅煮面水浸住个面😭😭😭我以为可以将雪菜肉丝同汤捞匀，就会好食返啲，我太天真了。有味系有味，但个面更冻了，而且好甜。🥹最后我食咗两啖，我不行了我尽力了，唔想浪费食物，但真系唔