JD Euro (Jade) Cafe & Bar (已結業)

香港系美食天堂，中、法、意、日、俄、韩等等应有尽有。前两天系油麻地图书馆搜集完资料，想食特别嘅晚餐，上Openrice找寻到一家位于上海街海景丽丝酒店19楼叫JD Euro (Jade) Cafe & Bar食土耳其美食嘅餐厅。就胆粗粗上去试试。 哗！餐厅华丽典雅，左边系一个开放式嘅酒吧，右边座位全部采用软淋淋嘅梳化。天花同墙壁嘅装饰好有特色。睇餐牌期间，侍应已递上一杯特色土耳其茶。茶味香纯而特别。盛载土耳其茶嘅花茶壶，图案精致，颜色鲜艳夺目。放在沙炉上存温，唔知系咪土耳其茶嘅特色呢？！第一次食土耳其菜，完全冇idea，乱点一通。扁豆汤浓稠适中，充满豆香味。比起忌廉汤少一份油腻，加上柠檬汁后味道更突出。蕃茄、甘笋、洋葱、黄椒、生菜及青瓜等全部新鲜爽脆，加入简单酱汁，令到呢个沙律够fresh。特色小食洒上蕃茄酱同薄荷酱嘅特色拼盆，薯条外香脆内软绵绵，薯味十足，而烧茄子就软稔，真系好有特色。香煎三文鱼比手掌还要大，两面煎到金黄色，三文鱼油由内渗出，肉质仍保持嫩滑。薯蓉充满浓香牛油味，芦笋及西兰花青绿爽嫩。龙须糖外型同口感好似龙须糖，食起来一丝丝入口即化，土耳其软糖软稔，两者同样甜在心里。呢