薄餅型 (已結業)

近排油麻地新开左间薄饼外卖店, 咁啱大食妹朝早喺油麻地𠮶头上完堂, 就外卖个三人套餐同屋企人开心share三人套餐非常丰盛, 可以任选一款薄饼大批、肉酱意粉一份/蘑菇饭一份、三件脆鸡、小食一份同三份饮品, 无论做晏昼定夜晚都一定饱肚<肉食主义者薄饼>薄饼有六只口味, 辣肉肠薄饼同芝士控薄饼都好似唔错但大食妹呢个食肉兽都系抗拒唔到肉食主义者薄饼嘅魅力大批有十二吋, 总共有六旧, 三个人分每人都可以食到两旧肉食主义者薄饼系大食妹至爱嘅茄酱底上高铺满火腿、猪肉香肠、意大利辣肉肠同莫蕯里拉芝士, 食落啖啖肉, 满足度极高<肉酱意粉>肉酱意粉都好大份, 肉酱系比较大粒, 有口感𠮶种<脆鸡>脆鸡有分辣同唔辣, 大食妹食咗件辣嘅脆鸡嘅炸法非常特别, 外皮好脆, 而且带有浓郁嘅蒜香味鸡肉都好嫩, 肉汁饱满<炸鸡块>小食方面, 大食妹就嗌咗炸鸡块, 一份鸡块有成十二件, 终于可以比大食妹食到够喉啦除咗大家一齐share嘅套餐外, Pizza In仲推出左多款抵食一人套餐, 迎合唔同食客嘅需求就连薄饼同部份小食都可以一件一件散嗌