喜鳳冰室

营业中

休息中

放假和朋友去油麻地果栏买生果，买完朋友同我去咗附近食饭，喜凤冰室是一间港式茶餐厅，地不算大但整洁干净。去骨海南鸡饭，鸡嘅份量都好多，盖满整碟饭，鸡已去骨入口啖啖肉，肉质口感扎实，鸡皮爽口，油饭好够味，粒粒分明，口感Q又带上多层次的香气。皇牌鸳鸯饭，鸳鸯即是叉烧和虾仁，鸡蛋炒至7、8成熟，入口嫩滑。叉烧大大块厚切，肥瘦得宜却唔会油腻，虾仁爽口，再配秘制甜豉油捞饭食确系一流。话梅七：大大杯七喜加埋话梅，配搭新鲜，味道酸酸甜甜。红豆冰：红豆林甜而且份量十足，足足有半杯，加上啖奶味道更香浓甜美。劲葱厚猪扒饭，猪扒系厚切带有肥边，入口有嚼劲之余，富有油脂香味！ 即使经过油炸都唔会太过油腻，仍然能够保持肉质松嫩多汁，配搭满满的葱香，实在令人回味！星洲炒米带点咖喱香味，味道香浓，材料丰富，有虾仁有叉烧，十分好味道。