影片
更多
2021-09-19
546 浏览
今次经朋友介绍，去左油麻地试一间新拉面店，叫做MAKI，佢竟然身处于庙街牛杂隔离，完全幻想唔到会有一间日本拉面店。我都系抱住无咩期望嘅心情，因为香港做日式拉面，好多都做得唔似样，我系日本食过好多拉面，总系有几种口味特别喜欢，系香港食唔返的。睇睇餐牌，就系佢啦！传说中要来一试的蓝色鸡汤拉面！除左蓝色鸡汤拉面，我仲说服我朋友叫一D比较颜色鲜艳嘅拉面比我影，为求画面丰富D呀嘛！所以我地另外点左辣味猪骨汤拉面 + 味噌拉面。先黎讲下呢碗【蓝色鸡汤拉面】话说日本东京「本所吾妻桥」有一间叫做 「吉法师 KIPPOSHI」，佢原创左一款鲜蓝色的蓝色鸡汤拉面，触目度甚高！我当然就系为左佢而来一试，到底系咪抄袭日本名物呢?蓝色【清鸡汤拉面】HK$85但估唔到系，佢用左另一种食材「蝶豆花」去制作汤底，加入大量鸡肉，汤汁有好浓重鸡肉味，但佢感觉唔油腻，好清新，唔会觉得食左好肥咁。而且佢配料都好多，有两片猪肉叉烧，就算咬过佢都唔会散开，做得好结实。仲有原只鸡蛋，好足料！鸡蛋上面仲插住支野，系咩黎?面质较粗身，吸汤力够，面质弹牙，唔错。原来佢会比一支柠檬汁你唧落个汤，令佢变成紫色！呢个就系蝶豆花嘅特性！落完柠檬
我都系抱住无咩期望嘅心情，因为香港做日式拉面，好多都做得唔似样，我系日本食过好多拉面，总系有几种口味特别喜欢，系香港食唔返的。
睇睇餐牌，就系佢啦！传说中要来一试的蓝色鸡汤拉面！
除左蓝色鸡汤拉面，我仲说服我朋友叫一D比较颜色鲜艳嘅拉面比我影，为求画面丰富D呀嘛！
所以我地另外点左辣味猪骨汤拉面 + 味噌拉面。先黎讲下呢碗【蓝色鸡汤拉面】
话说日本东京「本所吾妻桥」有一间叫做 「吉法师 KIPPOSHI」，佢原创左一款鲜蓝色的蓝色鸡汤拉面，触目度甚高！
我当然就系为左佢而来一试，到底系咪抄袭日本名物呢?
蓝色
【清鸡汤拉面】HK$85
但估唔到系，佢用左另一种食材「蝶豆花」去制作汤底，加入大量鸡肉，汤汁有好浓重鸡肉味，但佢感觉唔油腻，好清新，唔会觉得食左好肥咁。
而且佢配料都好多，有两片猪肉叉烧，就算咬过佢都唔会散开，做得好结实。
仲有原只鸡蛋，好足料！鸡蛋上面仲插住支野，系咩黎?
面质较粗身，吸汤力够，面质弹牙，唔错。
原来佢会比一支柠檬汁你唧落个汤，令佢变成紫色！呢个就系蝶豆花嘅特性！
落完柠檬汁，食落仲有柠檬酸咪咪嘅感觉！
红色
【樱花虾辛辣猪骨汤拉面】HK$70
呢碗橙红色的 辣味猪骨汤拉面，店主话佢系以九州拉面以福冈最出名嘅猪骨汤底风格制作。
果然真系猪油味好重，猪骨汤好浓极浓，可以话系我香港第一次食到真系日本食嘅味道，大惊喜！
面质同鸡汤拉面都唔同，佢系用左幼面，因为浓汤用幼面会较适合，真系相当认真！而且口感同味道都系我东京中野「艳MARU」食到嘅感觉，真系好似去左日本食拉面！
汤底落左好多樱花虾所以好香虾壳味，好似虾饼果种香味。
汤底微辣，唔系真系想像中咁得人惊，而且仲带少少甜味，应该系猪油嘅甘甜，超好食！我连汤都饮埋！
上面一件非常抢眼就系樱花虾饼，虽然比汤浸过，但佢变成上脆下软，软得黎唔会腍哂，反而似食紧虾饼好烟韧，真心正！会再翻啅！
橙色
【味噌猪骨汤拉面】HK$75
以猪骨汤底制作，所以猪油味都好香好重，超浓郁嘅口感，味噌味好香，咸咸地，微辣带甜，呢一碗比较简单，但都好好味！猪肉叉烧唔会散开，肥瘦均匀，真心抵赞！
问返老板，点解佢碗碗面嘅质地都唔同，原来系因为佢每一款都以日本唔同地区拉面为主题，所以要配合返当地汤底口味同面质口感。
认真倾谈之下，原来大厨系日本拉面店学师4年，每年都会转去不同地区学习拉面制作，所以我真系食到好多日本地道嘅拉面口感！
大感动！
大厨表示而佢地所有面条都系采用日本材料于香港厂房制做，相当新鲜可靠！
另外我地几个人，仲叫左一碟串烧试下
鸡心 -弹牙，酱汁好甜，唔苦唔腥，少甘香，呢个有惊喜
泡菜猪肉 - 好香泡菜好fresh，猪肉油花好重，两者平衡得好好
鸡软骨 - 卜卜脆，黑椒香，带少少鸡肉咬口，中规中距
鸡肾 - 爽弹牙，好原味，无乜调味。
牛舌 - 好厚肉！但有筋，难咬少少，好香牛油味，都好腍好易咬。
HK$28咁大串性价比算最高。
大葱鸡肉 - 大葱好香甜，带辣。鸡肉好结实好大件，但嫌酱汁唔够多，可以再多D。
鳗鱼 - 味道正常，不过不失，无惊喜，份量有点少，嫌唔够喉。
成餐最满意系红色樱花虾汤拉面，我谂我黎紧可能一星期要食一次，止下日本瘾先！
店内环境都好有日本居酒屋小店感觉，当去下旅行咁止下瘾都唔错，好过去好多连锁拉面店呀！
张贴
