麵鮮醬油房周月 (海光街)

营业中

休息中

作为沾面既粉丝，好钟意四围去唔同既铺头打咭食沾面。而今晚我就嚟到鲗鱼涌。睇睇地图原来位于太古坊，如果我系呢头番工，相信应该一早已经去食。餐厅好一贯拉面店既格局。呢度有晒拉面沾面，谂都唔驶谂已经去左沾面果度。比较有趣既系沾面既份量有三种可以拣，100g，200g，300g，好似我呢d大食仔当然拣番300g。香辣沾面 $89 /300g食沾面好多时我第一眼就望落碗沾面汤度。而望住红红既沾面汤，再闻一闻，吞口水系自然既反射动作。将拉面逐少逐少咁放入汤中捞匀再食，呢个辣道岩岩好，介乎食到出少少汗与唔出汗之间。以辣味既沾面计，呢个汤做得几出色。再试试面身，软硬道适中，入口舒服。而汤中既猪肉已经吸收左辣味，同样刺激。食到呢度我都无叫野饮，因为餐厅已经准备左免费既冰冻麦茶，所以其实辣又有咩好怕㖞。