拉麵台風 (已搬遷) 新店位置

呢间喺荃湾起家，长期排队的拉面店，相信好多人慕名而来，亦有更多系忠实粉丝，一食再食。而且价钱同6-7年前第一次黎食都仲系一样拉面师傅系日本黎的师傅，所以啲职员沟通都会讲几句日文，拉面就得几款，亦无太多变化，唔怕有选择困难。长头发的客人，店员会细心送上头发橡筋，令你可以食得舒适。椅下面有放袋的篮子，所以整体黎讲，店长都系一个暖男黎。咁讲返食物质素，首先面条系粗面，麦味都几香，而且要留意份量系平常店的1.5倍! 小妹唔小心点左个正常份量，唔浪费食到尾，最后系饱到想呕。黎到食沾面，配料有紫菜，香葱，肉碎，好大块叉烧，调过味的笋，仲有柠檬。猪骨汤汁点左正常，加左少少鲜柠檬汁令整体味道好丰富，有唔同层次，不过食食下，汤汁变冷，亦沾上面条的水份，令汤汁的味变淡了。下次食会点浓味。调左味的笋好好味，但可以改善的系叉烧，虽然大大块好抵，但系叉烧如果外表烧一下令油脂溶化，会更香更惹味。汤汁可以保持加热住的话，亦可以令沾面的味道更能发挥得好。食完面条再加鱼汤，饮哂个猪骨汁，十分满足。