麵鮮醬油房周月 (景隆街) (已結業)

接到线报「面鲜酱油房周月」刚于铜锣湾新开分店，于5月31号或之前帮衬如果即时于互联网上po相就可享九折优惠，最怕蚀底o既小肥最后一日就孖咗会计小姐去食面面。为怕中午人多冇位，两口子专登问准老板十一点半（面店开舖时间）去食，早去早回可以早啲返公司做野嘛。嘻嘻，早去真系易揾位得多，仲可以任影唔嬲。店子由门面到内墙及椅桌，全部都系木造，装潢和风得黎极之清爽洁净企理。小店内外都贴有制面过程简介及米芝连推介详情，彩图餐牌内页一样有。吧位同四人餐桌上都有自助餐具、纸巾、调味料及冻茶，感觉卫生。木造餐牌图文并齐，十分详细。睇完彩图餐牌填写点菜纸当然系冇难度啦！会计小姐未食过沾面，所以就点咗客「烧黑豚沾面」黎试。眼见100g、200g、300g都系$115，出名细食o既佢因袋里有环保盒，所以就话点都要叫300g，食唔哂可以包返去，也太精明了！想饮多啖汤水o既XO仔就叫咗碗拉面，测试吓以沾面闻名o既「周月」啲拉面究竟食唔食得过。黑豚香葱拉面（$108）：出哂烟o既拉面碗大葱多，仲包咗三块黑豚及一只溏心蛋。幼幼o既面条烟韧弹牙，而且份量好足。配料溏心蛋香浓软滑，个人只系略嫌啲黑豚叉烧肥膏多咗啲，幸好食落够