影片
更多
2013-07-12
219 浏览
星期五既lunch再一次从office「远征」歌赋街。由于location问题，呢度基本上从由边度行去都系唔就脚。从天桥行过去，除左要经过窄窄既横街之外，重要上斜路行一段路，大汗淋漓咁at least十分钟先去到。黎呢度食野最紧要记住越早越好，「早去早享受」，是关人实在太多，就算我搭正十二点准时出发，去到既时候已经十二点十五分了，只能够勉强攞到最后两个位，迟黎既人分分中要等半个钟头以上先有位坐！黎到呢度点可以唔试最出名既沾面呢？基本上唔同size（100g/200g/300g）既面价钱都系一样，只系面既份量略有不同。对普通OL黎讲，200g应该都够，不过较为大食既男士最好都系叫300g稳阵D！是日第一次叫左较为爽口既冻沾面 ($85)，之前都系食热既多。可能lunch time多人既关系吧，要等成15分钟先有野食，中间重有唔少人投诉添，睇黎舖头要喺efficiency方面谂谂办法。讲返D面，的确冻面面身相对热面更为爽口，但同时亦都相对比较硬身，呢点对钟意食「软腍腍」既面既人黎讲要留意。糖心蛋方面，一般正常货式，虽然唔可以讲得上系「惊天地泣鬼神」既质素，但绝对交足功课在above ave
黎呢度食野最紧要记住越早越好，「早去早享受」，是关人实在太多，就算我搭正十二点准时出发，去到既时候已经十二点十五分了，只能够勉强攞到最后两个位，迟黎既人分分中要等半个钟头以上先有位坐！
黎到呢度点可以唔试最出名既沾面呢？基本上唔同size（100g/200g/300g）既面价钱都系一样，只系面既份量略有不同。对普通OL黎讲，200g应该都够，不过较为大食既男士最好都系叫300g稳阵D！是日第一次叫左较为爽口既冻沾面 ($85)，之前都系食热既多。可能lunch time多人既关系吧，要等成15分钟先有野食，中间重有唔少人投诉添，睇黎舖头要喺efficiency方面谂谂办法。讲返D面，的确冻面面身相对热面更为爽口，但同时亦都相对比较硬身，呢点对钟意食「软腍腍」既面既人黎讲要留意。糖心蛋方面，一般正常货式，虽然唔可以讲得上系「惊天地泣鬼神」既质素，但绝对交足功课在above average之上。
其他配料好似豚肉条、葱同埋露荀等等既材料都比想像中好，感觉到店家喺选材方面落足心机。至于沾面D汁，唔知点解同之前几次食既时候比好似咸左好多，如果D沾面放落碗汤之后唔即刻拎返上黎的话，一定咸到呕呀！就算去到最后食晒个面、落埋清汤去饮碗汤都系超级咸，重有少少酸既感觉，唔通之前沾面沾剩既汤实在太多？
周月拉面($85)方面，面身用左一般拉面既面条，唔会好似沾面咁粗，相对比较易入口之余面身亦都可以吸收到汤既味道同埋热力，非常特别！叉烧方面，肥瘦既比例啱啱好，一口咬落去既时候一啖刚好肥同瘦既感觉都食到，正！唯一少少失色既系糖心蛋，同沾面果只拍埋一齐既时候好似有D煮得过熟，糖心感觉略嫌不足，有少少失望！
除左沾面D汤稍为过咸之外，overall整体既感觉绝对喺average之上。唯一要批评既系点解乜service都冇重要收我加一呢？除左order同埋送餐过黎之外，完全感觉唔到有任何service，重要加茶都系自己DIY同埋唔收咭添，我真系宁愿佢mark up 个价钱但唔收加一好过！
张贴
