赤橋拉麵 (已結業)

屯门拉面店唔多，有水准既更加寥寥可数，赤桥拉面系我最爱既拉面店之一，虽然铺系细细，但布置温暖，店员又有礼貌，所以平日下午都经常满座。鱼介豚骨沾面，一上枱首先紧系要饮啖汤啦，汤汁非常浓郁，充满浓浓既豚骨味，配上鱼介粉，味道更升华。豚肉大大块，每块都伴随少少肥肉，入口即溶，肉质嫩滑，最重要系有我最爱既溏心蛋，正！拉面面质爽口弹牙，绝非一般超市买到既质素，食面时只需将面浸一浸过汤，面条会被浓浓既汤汁包围，挂汤能力极高。