風雲丸 (已結業)

环境5分：比普通日式面店大间，好松动。正门出面有櫈比人坐住等位。中间好多吧位包住个开放式厨房，侧边四周围其他都系搭枱嘅散枱。张木櫈下面可以放随身物，设计有心思又可以悭位，可以畀五分。卫生5分：抽气好，开放式厨房响正中间都冇乜油烟味。木枱木櫈好企理。枱上Ｄ餐具酱汁都好干净，都系五分。服务5分：餐牌有图其实好够清楚，填落单纸都好简单，但系伙记超好人，埋位即先比两杯水，跟住仲慢慢介绍招牌菜，上面果阵再提建议食用放法，畀硬佢满分！味道5分：1)      每客野菜豚角豚骨鱼介沾面有个托盘原煲上枱。煲野菜豚角豚骨鱼介汤汁非常足料，滚到起泡超级热辣辣，鱼味好浓好鲜，入面Ｄ豚角软淋入晒味，另上果Ｄ沾面够弹牙，一百分！2)      原本叫炸鸡，但厨房出唔到就改做烧汁羽根饺子。饺子皮超薄，里面啲韮菜好香好脆好嫩，加个甜烧汁更加之好味。抵食5分：朝早食沾面免排队，每人一旧水唔使迫，有任饮冻水，服务好，畀佢五分。