魚治 (太古廣場)

营业中

休息中

天气唔好所以系商场揾食，见到呢间日式居酒屋装修好似唔错。两大两小，安排咗个梳化位，侍应好细心，俾咗一个大 cushion 我小朋友坐高啲一睇个装修同埋餐牌，都觉得尖沙咀𠮶间好似，原来系同一个集团，不过金钟呢一间灯光比较暗。几钟意呢一度，有好多炉端烧嘅蔬菜：莲藕、菇、芦笋、山芋。佢个炸厚豆腐，炸得超级脆，豆腐又滑，超级好食👍🏼👍🏼仲有每次去炉端烧必食嘅盐烧金目錭，虽然等嘅时间比较长，但系值得的！估唔到星期日都有happy hour买一送一饮 sake & high ball。呢一度绝对系落雨天、炎热嘅夏天嘅其中一个选择。最重要系仲有免费泊车。