Little Fresh Cafe & Bar

营业中

休息中

呢间楼上小店喺油麻地开咗六年，而老板去返铜锣湾亲自主理，提供多款价格亲民嘅法国菜式，因一人经营，等候时间会比较长，但食物高质，绝对值得。店内环境唔大，装潢简约，想食嘅建议提前留位。二人餐包含前菜、沙律、小食、两款主食、甜点同饮品。汤品热辣辣上，浓郁惹味，搭配脆脆面包都几夹。青口同烧生蚝各有千秋，鲜甜入味，大大只，啖啖肉，完全唔Hea。主食有慢煮油封鸭脾，4日风干12小时，鸭脾味好香好出，肉质嫩滑，搭配多款杂菜同脆脆薯仔波感觉更丰富。法式纸包白酒盲曹鱼制作过程复杂，整得啱啱好，鱼肉滑溜，清甜可口，值得。最后以梳打同蜜桃雪葩作结，食饱可以去行街。