Otto Restaurant (已結業)

今晚老公带我去铜锣湾食上楼法国菜，再一次发现铜锣湾啲上楼舖有好多正嘢！精选晚餐有餐前小食，汤，前菜，主菜，甜品及餐饮，价钱平均$500几，都几相宜。like and share Facebook page仲有两个小食送，分别系芝士焗蚝（右）同吞拿鱼他他（左），咁抵冇理由唔like啦！晚餐内有三款小食选择，我地不约而同都选择左生蚝一只，系法国钻石蚝，海水味几重，唧少少柠檬汁就食得。面包可refill...有红茶面包、芝士面包同脆脆面包条，仲有黑松露牛油，热辣辣面包，我地食左两转呢！汤系南瓜蟹肉汤同黑松露花胶炖汤，前者蟹肉份量多，南瓜汤香香甜甜；后者甚有fusion感觉，中西合壁嘅汤品，花胶仲大大旧添！松露焗北海道带子：表面以黑松露牛油焗过，内里依然软身，呈半刺身状态，铺底嘅南瓜薯蓉都不容错过呢！上主菜之前仲有个青柠雪芭比我地清清味蕾呢！主菜时间：煎深海鲈鱼配忌廉波菜($538)鱼肉煎得香，菠菜够creamy!九州鹿儿岛A4和牛伴和牛意大利饭（$618）和牛放在粉红岩盐磗上，想食几咸自己控制，食慢啲牛肉就会索多啲盐味架喇！至于和牛Risotto 就非常rich和牛味，而且份量少少就刚刚好。