影片
更多
2023-01-02
259 浏览
入到餐厅已经觉得成个环境好靓，个场超级多花花草草，啱晒一啲钟意小清新风格嘅人去打卡。今次我同朋友两个人就拣咗一个二人set, 当中包括两个前菜，两个小食同两个主菜。前菜方面我哋就拣咗Toast 同埋Pani Puri，Toast 系一埋多士上面有啲羊奶芝士同埋烤提子。虽然份量只有一啖，但系味道嘅层次都好丰富，先入口有提子嘅酸甜，然后就有浓郁嘅羊奶香，再加埋脆身嘅多士底，食落十分开胃。之后Pani Puri本身系印度常见的一种街头小吃，但系今次入边就唔系放薯仔泥，而系放咗一啲忌廉蟹肉，话就话忌廉蟹肉其实只系沙律酱捞蟹肉多啲，面头啲青瓜丝都好清爽，成个配搭都好特别。至于小食方面我哋就叫咗蛋饼同埋一个老干妈牛肉挞，蛋饼好明显见到入边有啲菠菜，蛋饼煎得好焦香，同埋佢口感唔系一啲实心嘅口感，而系好轻盈嘅感觉，加埋啲沙律菜，一啖接一啖就好快食完。另一个就系老干妈牛肉挞，挞底系普通蛋挞嘅牛油挞底，上面系一啲吵得好香嘅牛肉加埋一啲酸酸地嘅洋葱，成个配搭都好神奇，酸酸地辣辣地食落都好惹味。相较之下主菜就显得逊色好多，首先个牛扒系三成熟嘅西冷，冇乜特别嘅记忆点，纯粹就系觉得隔离嘅炸薯条好好食。之后个蘑菇汁
入到餐厅已经觉得成个环境好靓，个场超级多花花草草，啱晒一啲钟意小清新风格嘅人去打卡。
今次我同朋友两个人就拣咗一个二人set, 当中包括两个前菜，两个小食同两个主菜。前菜方面我哋就拣咗Toast 同埋Pani Puri，Toast 系一埋多士上面有啲羊奶芝士同埋烤提子。虽然份量只有一啖，但系味道嘅层次都好丰富，先入口有提子嘅酸甜，然后就有浓郁嘅羊奶香，再加埋脆身嘅多士底，食落十分开胃。之后Pani Puri本身系印度常见的一种街头小吃，但系今次入边就唔系放薯仔泥，而系放咗一啲忌廉蟹肉，话就话忌廉蟹肉其实只系沙律酱捞蟹肉多啲，面头啲青瓜丝都好清爽，成个配搭都好特别。
至于小食方面我哋就叫咗蛋饼同埋一个老干妈牛肉挞，蛋饼好明显见到入边有啲菠菜，蛋饼煎得好焦香，同埋佢口感唔系一啲实心嘅口感，而系好轻盈嘅感觉，加埋啲沙律菜，一啖接一啖就好快食完。另一个就系老干妈牛肉挞，挞底系普通蛋挞嘅牛油挞底，上面系一啲吵得好香嘅牛肉加埋一啲酸酸地嘅洋葱，成个配搭都好神奇，酸酸地辣辣地食落都好惹味。
相较之下主菜就显得逊色好多，首先个牛扒系三成熟嘅西冷，冇乜特别嘅记忆点，纯粹就系觉得隔离嘅炸薯条好好食。之后个蘑菇汁意式云吞真系有啲普通，系云吞入边包住啲冇乜味嘅芝士然后出边就有蘑菇汁，普通到我应该唔会再嗌。整体嚟讲服务态度都非常之好，前菜同小菜都好好食，唯独是主菜可以再加强吓，哈哈！
张贴
