影片
更多
2014-03-03
150 浏览
城中出名嘅法国菜多不胜数，新加入一员就有La Saison，早前从杂志得知，原来喺法国南部米芝莲一星餐厅L'Etang du Moulin嘅法藉名厨Jacques Barnachon晌海外首家开设嘅餐厅，既然喺首家海外店，自然事事做得一丝不苟。有幸到嚟试菜，实在「法梦」就喺咁早，有缘品尝星级名厨嘅手势！餐厅位处金马伦道The Cameron二楼，由专用电梯，以至踏入餐厅，环境装潢、用餐气氛，都甚具气派，古典雅致。一室淡红衬淡绿斜纹地毡，湖水绿墙身配柚木，全店湖水蓝或绿绒布靠背椅，加上柔和、昏黄嘅灯光，一切都带著传统高级法国菜餐馆嘅风格。除咗大厅外，餐厅尾左旁有一个贵宾厢房，据介绍可以隔著玻璃睇到大厨们做菜，可惜当晚已有客人使用，未能一看；此外，仲有室外露天用餐区，以池畔绿草为题，感觉跟室内大厅截然不同，但同样闲适幽静，清凉嘅日子相信一定很受欢迎。Perrier (Lightly sparkling)经理先奉上嘅Perrier法国碳酸矿泉水，少汽清怡嘅矿泉水，可以帮助稍后品尝各款菜式时清清味蕾，更让人细心领略食材真味。开胃小品等候上头盘期间，先有免费嘅三式开胃小品（Amuse Bouch
餐厅位处金马伦道The Cameron二楼，由专用电梯，以至踏入餐厅，环境装潢、用餐气氛，都甚具气派，古典雅致。一室淡红衬淡绿斜纹地毡，湖水绿墙身配柚木，全店湖水蓝或绿绒布靠背椅，加上柔和、昏黄嘅灯光，一切都带著传统高级法国菜餐馆嘅风格。除咗大厅外，餐厅尾左旁有一个贵宾厢房，据介绍可以隔著玻璃睇到大厨们做菜，可惜当晚已有客人使用，未能一看；此外，仲有室外露天用餐区，以池畔绿草为题，感觉跟室内大厅截然不同，但同样闲适幽静，清凉嘅日子相信一定很受欢迎。
Perrier (Lightly sparkling)经理先奉上嘅Perrier法国碳酸矿泉水，少汽清怡嘅矿泉水，可以帮助稍后品尝各款菜式时清清味蕾，更让人细心领略食材真味。
开胃小品等候上头盘期间，先有免费嘅三式开胃小品（Amuse Bouche）唤醒一下嘴巴，据解释，Amuse有使人开心，逗人快乐嘅意思，而Bouche即喺嘴巴之意，原来食法国菜，晌餐前梗有个食得精巧、食你唔饱嘅开胃菜，喺店子早早已准备好，佢又唔算前菜嚟，就好似上酒楼食中菜时，一坐低就摆低几小碟酸菜、花生嘅小食咁，湾仔就有一间法国餐厅用上依个名字。3款餐前小食，做成一小份一小份，一啖一件嘅份量，的的骰骰，志在为嘴巴热热身。
- 三文鱼挞（右）：挞皮以酥皮做，极为松化，三文鱼蓉质感幼细；
- 蟹肉他他（中）：蟹肉他他好柔滑，蟹味突出，配上北海道鱼子，多份清新感觉；
- 芝士泡芙（左）：以大厨家乡Comde嘅芝士做，芝味柔和，而泡芙松软。
品尝都有先后次序，由淡到浓较为合宜，所以，应该由右至左咁食，即三文鱼挞为先，较浓味嘅芝士泡芙为最后。
面包篮满以为开胃小品起咗个好开始，跟住嘅面包篮只喺摄时间嘅间场，点知一样细见厨师心思。面包篮共有4款面包，包括：迷你法式牛油小圆包（Mini brioche）、意大利蕃茄香草包（Tomato focaccia finger）、黑麦酸种小圆包（Rye sourdough roll）及法国百吉包（Baguette），配以原味法国牛油及洒咗海盐嘅牛油。简单嚟讲，4款包都各具特色，口感、味道都无重复，所以，先话「细见厨师心思」。
其实，小弟一向都好钟意食面包，亦学过整包，所以，知道整包唔易。个人嚟讲，法式牛油小圆包及意大利蕃茄香草包最得小弟欢心，前者非常松软，极富牛油香味；而后者focaccia一向喺个人嘅心水包之一，虽然好香蕃茄香气，反而食落又唔喺好重，但都无损对佢嘅钟爱，因为配上海盐牛油，加埋香草芳香，同样好食。至于以天然酸种嚟发酵嘅黑麦小圆包，一如欧陆面包，入口烟韧，兼且带微酸，有个性。百吉包，容后再谈，因为头盘之一嘅鸭肝酱会重遇百吉包。
芫茜清汤啫喱伴柚子虾他他Shrimp tartare marinated in Yuzu jus, consommé of vegetable jelly
依道前菜唔喺原先预定嘅前菜，喺大厨特别额外嘅「同场加映」，以鸡尾酒小杯盛载嘅喺虎虾他他，虾肉十分鲜味，再简单垫上利用虾壳熬制嘅杂菜清汤啫喱，冰凉清新，好有趣嘅菜式。
由于试菜菜式一早已由店方拟定好，所以，都不用费神考虑点咩菜。分别预备咗两道前菜、两道主菜及一道甜品。店名法文「Saison」就喺解作季节，意思就喺会以季节性最优质时令食材入馔，务求做出嚟嘅菜式都喺质优味佳，更加入亚洲调味料嚟炮制部份新派菜式，希望客人有更多元化嘅体验。
顺带一提服务方面，真喺不得不赞。专业、细心不在话下，例如：菜式与菜式之间，都会以小胶刮稍稍清理枱上剩余物或残渣；睇见面包篮将近食完，会再问一问你有无需要加添；因为我哋喺共享菜式，除换碟外，轮到食主菜时，更将餐碟预热，且先带上白手袜才换碟，啲细节位可以话喺无可挑剔；而且经理都会详细介绍每一道菜其用料及特色，上菜嘅速度又恰如其分，流畅顺达，又见我哋对啲面包名称颇好奇，就索性打晒啲名俾我哋，真喺无谂过佢会咁有心！鲷鱼伴日本柚子汁配鱼子酱及海胆 $208
Sea bream tartare marinated in Yuzu jus, sea urchin and Aquitaine caviar
今晚正式嘅第一道前菜，虽然都喺他他菜式，但极尽唔同层次嘅海洋鲜味。以日本鲷鱼做成嫩滑嘅他他，加上北海道绵柔嘅海胆及法国咸鲜嘅鱼子酱，本已可谓鲜味十足，层次丰富。加上别出心裁嘅酱汁，据介绍喺以香茅、青柠、柠檬、柚子等调制成酱汁，味道突出，感觉清新。
顶级原味及摩利菌鸭肝配烤吐司$268Duck foie gras terrine in two ways: one cook nature and one with morels mushrooms served with warm toast
第二道前菜「鸭肝冻批」，其实喺Jacques首本名菜之一，采用法国顶级品牌鸭肝，以慢煮烹调，两件冻批，一个喺原味，另一个加入摩利菌，佐以苹果芒果酱及黑椒海盐，配以百吉包。将鸭肝酱搽晌百吉包之上，鸭肝酱甘香醇厚，入口柔软，配苹果芒果酱则多份清甜，而苹果芒果酱带有少少果肉，味道自然。百吉包切成薄片，又轻轻烘过，宁舍松脆。至于加入摩利菌嘅鸭肝酱，夸张少少讲真喺菌香超脱，所以，小弟更钟意后者！
试咗两款前菜之后，对余下两款主菜就更期待喇。果然，有排场，有质素！淡水小龙虾饺子配香菜虾肉浓汤 $420
Langoustine ravioli in a basil and shrimp bouillon, perfumed with coriander
即场将香菜虾肉浓汤倒进意式云吞内，浓汤喺以龙虾壳及虾膏熬成，仲加入香茅、香草、八角……等香料，入口极浓鲜虾味，又有香料芳香；而一客两件意式小龙虾云吞，采用纽西兰淡水小龙虾，虾肉颇爽口，云吞外皮做得烟韧有咬口，富口感；而云吞之上嘅原只小龙虾，介绍时说明处理上略有不同，但不知何解质感未如期望。
忌廉意大利宽条面配黑松露 $358Creamy Tagliatelle pasta shared black truffles
送上枱喺一碟「白潺潺」嘅意大利宽条面，即场鲜刨黑松露碎，再淋上加入黑松露酱煮过嘅忌廉汁，可想而知，菌香如何四溢！经理仲建议，最好立时将面条捞匀，等热力将新鲜黑松露嘅香气逼出。确实，唔单啲宽条面煮得咬口有嚼劲，忌廉汁幼滑，菌香馥郁，味道一流。
蜜饯凤梨片配热带鲜果雪葩 $128Pineapple Carpaccio and exotic sorbet
甜品一样有惊喜，以菠萝为主题，喺两款甜品嘅组合。左边由下而上喺：蜜饯菠萝薄片、菠萝蓉黑芝麻脆蛋卷、香桃热情果雪葩；右边由下而上喺：酒香菠萝蓉、曲奇金宝、白酒泡沫，再加一抹芒果酱及少少开心果仁碎做装饰。两者都带出菠萝嘅清甜及唔同嘅口感，雪葩又酸香清爽，金宝满满牛油香而松脆，认真口感丰富、层层叠叠。
法式小甜点最后添了一杯鲜奶咖啡Latte嚟配法式小甜点Petit four作为完美终结。小甜点有红桑子马卡龙、迷你金砖蛋糕Financiers及杂莓黑朱古力。马卡龙小巧酸活，金砖蛋糕晌Eric Kayser已见识过，有杏仁及榛子香味，口感较湿润，少少偏甜，亦喺预期，而黑朱古力好甘苦，朱古力味浓度高，味道悠长，又带少少莓味。
今次都喺小弟正正式式品尝「法国大餐」，无论环境布置、食材用料、菜式创意、厨艺功夫、服务水准，都叫人大开眼界。始终都喺一餐高水准嘅法国大餐，付出相对哋要高啲，散叫当然比较无咁划算，但可考虑点7道菜嘅晚餐（$1,188 + 10%），已可以试到店方多款拿手招牌菜，作为庆祝特别日子或重要纪念日，确实喺一个上佳选择。此外，若只为一尝星级大师嘅味道，亦可以谂谂两道菜（$328 + 10%）或三道菜（$368 + 10%）嘅午餐呢！
张贴
