La Mer Restaurant & Lounge (已結業)

趁圣诞前同女友叹番个法式下午茶，倾下计，休闲一番。 因为要买圣诞礼物，所以黎左尖沙咀既<< La Mer Restaurant & Lounge >>。 门口揾左黄长兴做宣传，都好吸睛下。 餐厅装修都好古典高雅，好有法国风。 我地两个人，当然点个for two既tea set. 当个tea set黎到时，女友真系哗左一声。 仲有松饼，口感刚刚好，唔会太甜，加上果jam就更配合。至于个塔，当然由上而下咁食。最上层系烟三文鱼牛角包及牛油果配带子。牛角包系咸食，松软又有口感，配上烟三文鱼超夹。牛油果蓉够鲜甜美味，加上带子味道更丰富。 第二层系：吞拿鱼蕃茄串及芒果呍呢拿慕丝。吞拿鱼粒外面配有黑椒粉，令到咸咸地之余又辣辣地。 而芒果慕丝，有阵阵既芒果味及呍呢拿慕丝入口香滑，外表仲好吸睛。 最底一层系朱古力榛子、红莓马卡龙等。我个人就钟意食朱古力榛子，除左有脆卜卜的榛子，入口仲好滑好CREAMY，好重朱古力味。另外红莓马卡龙甜度刚刚好，好易入口。 跟餐仲有两杯野饮，除左女朋友拣左热饮伯爵茶，未饮都闻到香味。我就拣左杯冻latte，享受下。