Oui Oui Bistro (已結業)

虽然社会不稳，但我地更加唔可以乱，要相信我地会得到我地想要嘅嘢，适逢友人生日，我地当然都要行出黎庆祝一番。Iberico Pork Collar：猪扒有一定厚度，肉质鲜嫩多汁，唔鞋弹牙，觉得单吃都已经好好味，沾汁就会更浓味，但佢未有cocina 3果种惊艳。伴菜的煎翠玉瓜都好好味，多汁，有口感。Cheese Spaghetti ：意粉味道属于正常，但面质偏硬，觉得唔够al dente 。Fried Portobello：有蟹肉嘅portobello几好食，但份量有点小。Lobster Risotto ：龙虾意大利饭好真材实料，龙虾味超浓，基本上每一啖饭都有浓浓的龙虾汁喺入面，小龙虾嘅肉都好弹牙，好鲜味。French Fries：有黑松露味嘅薯条，友人们大爱，但系我真系唔识欣赏。French Onion Soup：个人觉得洋葱味不足，黑椒味有点重。整体食物质素属中上，但份量真系有点太小，食完好似无食过野咁。食埋甜品都唔饱。侍应服务态度殷勤，不过厨房飘来阵阵香烟味，就会不禁怀疑系咪有人喺厨房食烟。