影片
更多
2017-10-10
1023 浏览
中环一入夜都几静，旺嚟旺去都只有兰桂芳同云咸街或苏豪一带，皆因酒吧林立，吸引唔少买醉嘅人或游客。知道表姨甥女极钟意窝芙、法式薄饼一类嘅甜食，早前食完晏经过摆花街嘅「Springfields」，晌门口睇见大大个餐牌，原来餐厅主打法式薄饼，更有咸有甜添，所以，是夜就嚟到「Springfields」。虽然餐厅入口非常窄，但以白砖墙作门面，晌寂静嘅摆花街都几易认得出。而餐厅实际位处地库层，拾级而下，就发觉里面别有洞天。一室白砖墙、白梳化椅，再拼浅灰色云石枱，有种纯洁、清雅嘅感觉。由于是夜客人亦唔多，直到我哋8:45pm离座，整晚都喺三数枱客，故此，用餐时更幽静，更轻松写意。餐牌贯彻番餐厅嘅主色调，打开餐牌，印刷精美而简洁，类别分为前菜、沙律、汤品、意大利面及咸甜嘅法式薄饼，而法式薄饼一栏肯定喺重中之重啦，整整两大版。主餐牌背页就罗列咗各款饮品，有非酒精及酒精类，前者包括热茶、咖啡、汽水、果汁、奶昔……等等，算选择不少；而后者除啤酒，更提供红白餐酒添。除咗散点，仲有个二人套餐，计过数，超抵㖞，因为$340已包咗两个前菜、两道主菜、 一客甜点及两杯饮品，更唔收加一，而且，个餐可以一之4过试晒咸、甜
虽然餐厅入口非常窄，但以白砖墙作门面，晌寂静嘅摆花街都几易认得出。而餐厅实际位处地库层，拾级而下，就发觉里面别有洞天。
一室白砖墙、白梳化椅，再拼浅灰色云石枱，有种纯洁、清雅嘅感觉。由于是夜客人亦唔多，直到我哋8:45pm离座，整晚都喺三数枱客，故此，用餐时更幽静，更轻松写意。
餐牌贯彻番餐厅嘅主色调，打开餐牌，印刷精美而简洁，类别分为前菜、沙律、汤品、意大利面及咸甜嘅法式薄饼，而法式薄饼一栏肯定喺重中之重啦，整整两大版。
主餐牌背页就罗列咗各款饮品，有非酒精及酒精类，前者包括热茶、咖啡、汽水、果汁、奶昔……等等，算选择不少；而后者除啤酒，更提供红白餐酒添。
除咗散点，仲有个二人套餐，计过数，超抵㖞，因为$340已包咗两个前菜、两道主菜、 一客甜点及两杯饮品，更唔收加一，而且，个餐可以一之4过试晒咸、甜法式薄饼，绝对喺超值之选。
Apple Cider餐饮唔喺普通啡茶，除可以拣果汁，竟然可以拣嚟自法兰西嘅Apple Cider，因为晌餐牌见单点要$55支。樽身嘅招纸已好有型，苹果公仔画成猫头鹰，酒精度只有4.5%，加上苹果果香，极之易入口，口感清爽，配稍后上枱嘅炸鱿鱼圈，绝配呀！
Chamomile表姨甥女一向钟意饮热茶，尤其伯爵茶同洋甘菊。洋甘菊以整壶上，茶味比较淡雅。佢话最吸引喺只茶杯，粉蓝色甚有少女情怀味道。
前菜共有4款供选择，分别喺是日餐汤、炸芝士、炸鱿鱼圈及沙律。小弟拣咗饮Apple Cider，就刻意拣鱿鱼圈做配搭，而表姨甥女喜欢食多啲蔬菜，所以，拣沙律。
Calamari虽然只喺套餐嘅前菜，份量可不少，炸成一大碟，件件金黄，入口外层松脆又唔油，咬落咯咯声，而内里嘅鱿鱼柔韧有咬口，沾上有啲似蕃茄莎莎嘅Marinara Sauce，再唧下柠汁，搭一啖Apple Cider，认真爽呀！
Calamari
$70
12 浏览
0 赞好
0 留言
命名得「Spring 」，有种店中招牌嘅感觉。以沙律菜做底，加上车厘茄、青豆、鸡肉、牛油果、松子仁，淋上油醋，虽然做法简单，但胜在落料无欺场，口感丰富，而且，味道亦颇清新。再者，啲鸡肉唔会「嚡烚烚」，牛油果又够熟够腍。
Spring Salad
$55
13 浏览
0 赞好
0 留言
Goat Cheese Pasta用上全麦意粉，色泽比较深色啲之外，其实，煮得出色嘅话，口感同样有咬口。意粉内混入唔少炒蘑菇、菠菜、香脆合桃碎，口感有层次；而啲羊奶芝士竟然唔喺碎湿湿，仲专登加咗嚿晌面，啲芝士奶香浓郁又唔太膻，大满足。
Goat Cheese Pasta
$128
28 浏览
2 赞好
0 留言
咸食嘅窝芙都曾经试过，而咸食嘅法式薄饼印象中都喺第一次。薄饼皮有份脆口感，而内里填满薯仔粒、蘑菇、菠菜，全蔬菜素食，加入艾文顿芝士及忌廉，配搭出嚟嘅效果又比预期好㖞，一来咸食唔会觉得好怪，二来有种田园新鲜感，而且，咪睇佢扁扁哋咁，份量可不少，几饱肚。
Farm
$86
29 浏览
1 赞好
0 留言
最后去到甜点环节，个二人餐提供两款甜法式薄饼作选举，分别喺配云呢嗱雪糕嘅Vanilla Love及配朱古力雪糕嘅Choco Bay，我哋都喺偏钟意朱古力，所以，拣咗后者。
Choco Bay个法式薄饼无卷起「雪糕筒」形，只喺平铺晌碟上，再放上一大球朱古力雪糕、棉花糖、杏仁片及唧上大量忌廉，以及淋上朱古力浆，卖相唔算有惊喜，但浓浓嘅朱古力香，搭上幼滑嘅忌廉，跟烟韧嘅薄饼皮一齐入口，令整体食味唔错。
等上菜期间，晌餐厅周围望望，其实落嚟时已见到有个饼柜，墙上嘅介绍印有多款杯子蛋糕，卖相可爱，大可作为甜点嘅另类选择。
临走，仲晌柜枱拎咗啲单张，午餐就预咗会有，原来，仲有下午茶供应，但只限星期一至五，应该无机会帮衬到。
香港人一向精打细算，成人想觉得自己好精明，不过，点呢个套餐就一定喺好精明，因为专登同佢计计数，如果将以上食物散叫，足足要俾$499，所以，个套餐价足足悭咗30个巴仙，难得超值又好食！
张贴
