迷客夏 (如心廣場二期)

营业中

休息中

每次想由商场穿过天桥去对海之恋嘅时候，经过如心二期1楼「迷客夏」都见到好多人排队买店舖推荐嘅招牌饮品-「芋圆4.2」，听人讲味道香浓，芋圆烟韧有口感。最近新推出咗草莓系列嘅饮品，身为草莓🍓迷嘅我一定唔会错过去试呢杯「草莓麻薯茶冻鲜奶」，主打自家制Handmade 法式手工草莓🍓，卖相相当吸引。草莓麻薯茶冻鲜奶 $41自家制Handmade法式手工而成嘅草莓果酱，浓郁香口，每一啖都饮到少少嘅草莓粒，亦唔会觉得酸味味，加上底部有烟烟韧韧嘅麻薯做配料，食落带有米香，唔会好痴牙架。有固定甜度，只可选择全走冰或唔走冰。如果唔想太甜，可以试吓佢另外一杯法式草莓鲜奶。