Le Relais de l'Entrecôte (已結業)

话说多年前，朋友同队长去左湾仔一间法国餐厅庆祝生日，佢地订左个2层心太软当做蛋糕，坚好味，到而家仲记得！今年生日，想重游旧地⋯⋯不过已经转左另一间法式扒房，好似话系法国系殿堂级既旧式扒房。入到去就真系好旧式扒房style，而有选择障碍既朋友，你唔驶惊，因为佢全日既menu都系得一款⋯⋯就系牛扒餐，你只需要拣几多成熟就可以勒。先黎兜面包同沙律，个沙律都几大碟的，然后就黎主菜牛扒，我叫左medium⋯⋯但似乎well done左，尤其上到第二块时，更觉well done。上牛扒时，法式阿姐会先砌半件比你，另外半件会用蜡烛兴住，到你食完第一件再帮你上碟，而且薯条系无限供应⋯⋯比你食都食唔到几多，至于个汁系青bb的，其实系秘制汁⋯⋯但我食唔出有几秘制，同埋有个疑问：点解牛扒会有阵羊膻味既！？除左牛扒，餐厅都有多款甜品拣，我地拣左一款signature sorbet蛋白饼、creme brûlée & Mont Blanc，但我最爱creme brûlée，真系好滑好香好好味，果然系法式餐厅既地道法式甜品 ！