影片
更多
2025-02-16
1039 浏览
鲤景湾向有苏豪东之美誉，一个细细嘅鲤景湾，就已有十多间食肆，美国菜、越南菜、泰国菜、日本菜、欧陆菜、沪菜、粤菜、茶记、咖啡店……等等。依边跟中环嘅苏豪感觉好唔同，闲日晚上嚟到，感到好宁静，无晒太喧闹嘅感觉，有种放低晒重担嘅舒服感。正正座落晌西湾河码头一边嘅「Amphissa」就更有一种「私窦」嘅感觉。甫踏入餐厅，以灰色为主调，浅灰色嘅云石枱面，衬以灰色嘅座椅，配上柔和嘅灯光，整体装修简约，却不失一份独特嘅个性。而用餐区程L型，另一边位置可以讲别有洞天，因为对出就喺180度海景，而且窗户喺折叠式玻璃门，可惜是晚有少少毛毛雨，玻璃门就无打开；而因为餐厅就坐落喺码头，所以，不时见到有渡轮埋岸，喺一个非常有趣嘅情景。听侍应介绍，日头嚟到店家就喺一间咖啡店，而到咗晚上就变成一间食精致晚餐嘅餐厅，餐厅嘅路线走casual fine dining。务求贵精不贵多，所以，暂时只做一款晚市套餐，睇番餐牌嘅用词你就知其实佢哋系主打法国菜，定价由$780到$980，视乎你拣几多道开胃菜，如果食「Full Experience」足足有9道菜，饱到不得了！更难得嘅喺唔收加一，每位客人又可带一支酒嚟都唔收开瓶费，
甫踏入餐厅，以灰色为主调，浅灰色嘅云石枱面，衬以灰色嘅座椅，配上柔和嘅灯光，整体装修简约，却不失一份独特嘅个性。
而用餐区程L型，另一边位置可以讲别有洞天，因为对出就喺180度海景，而且窗户喺折叠式玻璃门，可惜是晚有少少毛毛雨，玻璃门就无打开；而因为餐厅就坐落喺码头，所以，不时见到有渡轮埋岸，喺一个非常有趣嘅情景。
听侍应介绍，日头嚟到店家就喺一间咖啡店，而到咗晚上就变成一间食精致晚餐嘅餐厅，餐厅嘅路线走casual fine dining。务求贵精不贵多，所以，暂时只做一款晚市套餐，睇番餐牌嘅用词你就知其实佢哋系主打法国菜，定价由$780到$980，视乎你拣几多道开胃菜，如果食「Full Experience」足足有9道菜，饱到不得了！
更难得嘅喺唔收加一，每位客人又可带一支酒嚟都唔收开瓶费，咁未必个个客人都会带成支酒嚟饮，但餐厅就提供多款餐酒，供配搭唔同嘅菜式。当然，亦提供一啲非酒精饮品，如咖啡、汽水、果汁。顺带一提，成晚嘅招呼都无咩挑剔位，每一道菜侍应都会细心讲解，又换上合用嘅餐具，大厨亦会不时出嚟跟客人交换心得，而所有热盘都会先将餐碟预热，好多细节位都做足，非常有诚意。
意大利白酒虽然我哋唔系好嗜酒，但都喜欢晌特别嘅餐饮上小酌一杯，眼前杯白酒好晶莹剔透，易入口，配搭几款开胃菜都很好夹。
小食白酒大多数喺用嚟配海鲜，第一道登场嘅小食喺生虾云吞挞，衬少少食用花做装饰。挞壳喺炸云吞７皮，做得非常之香脆；侍应就话喺甜虾，食落似牡丹虾，虾肉带黏，却好有虾鲜味，并加咗点点麻油调味。
生虾云吞挞
0 浏览
0 赞好
0 留言
樱花虾沙律•日式芝麻酱呢道菜顾名思意，就喺以沙律菜做底，捞上日式芝麻酱汁，当然晌度食到嘅就唔会咁普通啦。唔单止加入樱花虾，仲有松子仁，丰富咗口感，而风干澳洲蕃茄嘅蕃味特别浓郁酸香，再洒上少少巴马臣芝士，令食味更上一层楼。
酸种面包•自家制牛油下一道菜会喺汤，所以，依家就上一份自家制酸种面包，面包暖烘烘，入口松软富麦香，而外层带点脆口；亮点位喺香滑嘅牛油亦自家制，用上南非牛骨髓煮完之后抽走啲血水再凝固，如果唔喺大厨走出嚟分享真喺唔识咁多嘢。
鲍鱼•粒贝•海味鸡白汤大厨话呢道喺心机菜，用多种海味大火滚4粒钟煮个海味汤，再用鲜鸡去油熬煮个鸡白汤，取其前者咸香，后者清鲜，两者混合做成海味鸡白汤底，果然鲜香。再加入大连鲍鱼、日本粒贝切丝，柔韧鲜甜，就连装饰嘅姜丝都揾冰水浸过，无咁辛辣之余，多咗份爽口感。
鲍鱼•粒贝•海味鸡白汤
0 浏览
0 赞好
0 留言
法国鸭肝•卤水法国菜有煎鹅肝，潮州菜卤水鹅肝，两者融和造就呢一道美食。虽然用嘅鸭肝，其实一样好出色，先以卤水浸8分钟再煎香，煎得火喉，外脆内嫩，口感绵滑；酱汁以山西陈醋加黑糖煮成，微酸解腻，再晌面头洒下一阵阵自家制冬菇粉，提升咗味道层次。配炸面包片同食，一样咁正！
法国鸭肝•卤水
0 浏览
0 赞好
0 留言
豉汁煎带子•炸粉丝每道菜都卖相细致，呢一道都唔例外，而且，更喺深藏不露。以刺身级带子入馔，酱油渍过再煎香，带子弹牙鲜甜，不过，实际喺揾唔到「豉汁」嘅踪影，取以代之就喺烟熏过三文鱼籽同加咗濑尿虾油，食味一流，至于面面啲炸粉丝只喺装饰而已。
豉汁煎带子•炸粉丝
0 浏览
0 赞好
0 留言
西洋菜汤•金华火腿•南北杏一讲西洋菜汤可能你会想起大牌档嘅例汤，但晌呢度就将佢重新演变。将西洋菜煲到透再加入薯仔一齐打，先做到依家浓浓嘅西洋菜味，质感又够挺身；而汤内除咗有微微细嘅甘笋粒、开心果之外，仲混有一丝丝金华火腿丝，添上几分咸香感，仲有面头唧咗啲自家制南北杏油，甚有画龙点晴之效。
西洋菜汤•金华火腿•南北杏
5 浏览
0 赞好
0 留言
法国红酒下一道菜将会喺牛扒，所以，衬番一杯红酒，老实讲，小弟唔喺好酒之徒，纯粹趁吓高兴而已，绝无评论资格，酒嘅嘢留番俾啲有识之士去分享。
牛扒•配菜单睇菜名，你嘅印象喺咪一碟牛扒，侧边咪薯菜啰，当然唔喺咁普通啦！先介绍配菜，有咖喱牛油炸薯条、葱油炒粟米粒同自家制腌萝卜，另外，佐以蜜糖芥末酱、茄汁同自家制谭仔酸辣酱，真喺单睇呢份配菜已好不一样之感。薯条炸功了得，一啲都唔油腻，好香咖喱味，腌萝卜嘅酸香亦好作为间场之用。
而牛扒据侍应介绍，采用澳洲安格斯和牛，煎到外层焦香，里面五分熟，色泽红润却无半点血水，火喉拿捏得啱啱好，而口感确喺一流，软腍嫩滑，又富肉香，沾上少少芥辣，加埋薄薄嘅炸蒜片，真喺完美嘅配搭。
澳洲安格斯和牛扒
0 浏览
0 赞好
0 留言
冷面去到呢个位，其实都饱到九乘半有多，不过，面对呢一碗港人至爱嘅「沙嗲牛面」，又点会错过呢。卖点喺同样用上澳洲安格斯牛，而且，沙嗲方面加重花生香味，再加上葱花，非常好食，面条亦弹牙爽身。如果再想味道多层次啲，加少少店家自家制采用泰国辣椒制作嘅XO酱，包你觉得更好食。
冷面
0 浏览
0 赞好
0 留言
甜品如果唔喺因为有另一个胃用嚟装甜品，恐怕都食唔落。卖相精巧嘅甜品睇样完全估唔到喺咩嚟，但一入口就会「啊」一声，原来喺蕃薯慕丝，好香蕃薯味，面头有一片蕃薯干薄脆，仲加咗啲紫薯粒粒，洒咗啲姜蓉碎，令到每一口都好有港式劲姜蕃薯糖水嘅味道。
甜品
0 浏览
0 赞好
0 留言
上文都有提及大厨不是出嚟跟客人交流，食完整晚菜式，所有菜式就不难发现菜单嘅主题就喺「香港味道」，喺一啲一讲起香港人就会知嘅味道，估唔到以法国菜嚟呈现，非常有心思，用料、做法都非常有诚意，亦带嚟好多惊喜，更增长咗好多知识，所以，今晚呢餐饭唔单止喺食，仲系一堂餐饮嘅见学！
张贴
