La Rotisserie (第三街) (已結業)

第一街到第三街呢一年开左好多高级餐厅，同老婆系屋企附近食到好厌，所以专登行上去揾野食，条斜路真系好攞命。其实一早系公司附近见过La Rotisserie，不过lunch次次都排哂队，唔想晒住等，所以一直都冇试。今日见到冇人排队自然要睇下咩料。叫左半只外卖加个杂菜加埋百五蚊，算系咁。冇打算堂食系因为徒手撕鸡始终都好鬼污糟。不出所料，我系屋企食既过程都要洗几次手。讲返只鸡，鸡皮好香好嫩，不过鸡肉冇味。所以要肉连皮一齐食，几好。杂菜做得唔错，鬼佬野次次都系赢呢d配菜位。成餐饭食到成手鸡油，如果打算堂食，真系要预备定多d纸巾，拍拖既就唔推荐喇，实在好难食得有仪态。总括黎讲，可以一试。