糖妹妹糖 (已結業)

近依年托食友嘅福，让小弟试咗来自唔同地方、带有唔同特色嘅零食，尝味之余，又开开眼界。今次获赠嘅由「糖妹妹糖」引入，台湾「糖村」嘅「超人气法式牛轧糖」。由于只有300克、600克，750克包装，所以起步价都唔平，就以300克嘅法式牛轧糖为例，卖$120 / $130，视乎包装而定，最重600克嘅卖到成$300。据食友讲，一包300克牛轧糖只有22粒，为起差唔多近$6一粒，咁样计落又似乎唔喺贵㖞！食友好有心思，以花纸小袋包起嚟分俾大家。而内里嘅糖村法式牛轧糖每粒都喺透明独立包装，衞生方便，而且睇到大大粒杏仁粒，好吸引啊。由于讲到依只牛轧糖晌台湾好有名气，所以都「专灯」上去佢个网页睇睇，糖村嘅出品原来有四大坚持：品质要新鲜，卫生安全做足功夫，食材要天然健康，手艺要不断改进。而牛轧糖即喺鸟结糖，糖村嘅牛轧糖亦秉承上述坚持，唔单只用上法国无盐忌廉，配上美国加州杏仁粒，前者口味特别清爽，后者经3小时低温烤烘，饱满嘅杏仁粒宁舍香脆。此外，晌煮糖嘅温度及时间控制得宜，所以先能够做出软硬适中、柔软中带烟韧嘅口感。确实，甜度适中嘅牛轧糖，充满奶香，入口烟韧柔软，唔太黏牙，杏仁够多，又卜卜脆。由于无添加、无