東海堂 (青衣城1)

营业中

休息中

dessert & bakery shops 周围都开，价钱上落都几大。呢间主打法式甜品，约22元一件，OK啦，要食法式甜一般要去酒店先有得食，见个呢度平平地，买左来试试。我买左法式三重奏，有柑橘、芒果同蓝梅。先讲讲外型，法式三重奏系由三只味道组成，而每种味道有三粒连住，几得意一啖一粒，啱啱够喉。好，到味道。蓝梅泡芙上面有粒新鲜蓝梅，好甜唔酸，配合泡芙里面蓝梅吉士，好多蓝梅蓉，不过都太甜! 另外到柑橘，睇个样好普通咁，泡芙面上粒柑橘好似无咩光泽，但咬落去粒柑橘系个口里面爆开，原来好甜唔干! 不过唔系人人喜欢柑橘，有少少”涩” , 柑橘吉士打得好滑，无一般平价泡芙食到有粉个种感觉!至于芒果泡芙，俾我班朋友抢左来食，但听佢地讲又系OK，都唔知系咪真!我怕芒果酸，所以无同佢地争啦。overall 味道ＯＫ，建议买完快Ｄ番屋企，我系街行左２个钟，番屋企，已经吉士有Ｄ溶。