Spade by Lassana (已結業)

曾经试过Spade by Lassana嘅雪糕及甜品，尤其𠮶个以丹麦方包所做嘅「野莓盛会」甜品，记忆犹新，旺角店因商场嘅发展改变而结业，实在可惜。不过，油塘店最近新出咗款芝士蛋糕，多谢朋友相赠，让小弟有个「芝」味嘅下午茶。圆形小木盒包装设计简朴，又有份田园味道，以牛油纸垫底，揸住对头两面纸边，一抽就可以成个抽起，挺方便。不过，盒面标志印得花花蒙蒙，睇唔清店名「Spade by Lassana」及蛋糕名字「Creme Brulee Cheesecake」，有啲影响外观。Creme Brulee Cheesecake $78打开包装盒，饼面金黄微焦，有种法式炖蛋嘅错觉，原来喺以忌廉芝士蛋糕为基础，再晌饼面加上一层即烧嘅焦糖，怪唔之得称之为Creme Brulee Cheesecake，中文可称为法式焦糖芝士蛋糕吗？咪睇佢细细个，非常坠手，够晒4-6人食，一刀切落已感受到蛋糕心嘅绵密。因为收到蛋糕时已食得饱饱，未有即时享用，错过咗如法式焦糖炖蛋嘅薄薄脆脆焦香口感，隔咗一日，面层嘅焦糖脆面软化咗，而软化嘅焦糖浆流到饼底下，别有一番滋味。另外，芝士蛋糕嘅忌廉芝士味很浓郁，软绵富口感，消化饼底饼够