BRICK LANE (中信大廈)

营业中

休息中

今日放工之后，同个朋友聚一聚，就会去咗依间餐厅，试吓呢间嘅英国菜。间餐厅嘅气氛唔错，餐厅嘅摆设都好靓，仲有一个角落系bar corner。枱与枱之间嘅距离都令人坐得好舒服，唔算好多人，就啱晒一两个朋友喺到倾下计。呢度嘅侍应都好有礼貌，而都会好贴心，等你食完一碟、收左碟，再问你可唔可以上第二碟。我哋嗌左一碟焗芝士玉米片，玉片上啲酱料同芝士好多，唔会食到最后无嗮，而啲料都好足，系倾计配嘢饮，又想食小食唔错既选择。另外叫咗碟半熟鸡蛋巴马火腿芝士烟肉意粉，个蛋真系好流心系温泉蛋咁款，个汁好味又浓郁，里面亦有好多烟肉，两片咸咸地既巴马火腿同啲意粉好夹，份量都算唔错，真系食过回味。亦点左两杯白酒，餐厅既酒都系一啲靓酒，配餐厅野食一流。嗌完即刻系隔离bar台斟比你，值得一试。