影片
更多
2016-07-29
3181 浏览
今日去到坚尼地城试一间法式bistro - Bistro du Vin曾经去过巴黎同南法，真系好中意好中意南法嘅蔚蓝海岸！对住地中海果一片海真系呢生人见过最纯粹嘅蓝。好，拉远左。想讲嘅系开系西环海旁呢间小小bistro，令我谂返起尼斯果段一睁开眼睛就系一望无际嘅海岸线嘅日子，心里面默默唱住梁静茹嘅 "蔚蓝海岸 遗忘你的远方"，好怀念果啲悠悠海风吹过嘅时光呀。入到门口就见到呢6支巨型酒。问过先知呢个size嘅酒叫magnum，系我地平时饮开standard size嘅2倍！而佢地嘅价钱就唔止系贵左一个double咁简单啦，因为magnum wine系需要更长嘅时间去酿制，而佢地嘅品质亦因此比普通wine高上几grade。Bistro入面，有少少暗，墙上有好多画呀装饰呀，都有feel嘅。感觉到想营造法办风情嘅诚意～1.最中意食带子，呢度嘅煎带子配牛油唔错，只带子够大只又厚身，又冇煎得过熟。2.Suckling Pig Confit唔好睇佢个样就好似烧猪咁，呢度整到皮够脆之余下面薄薄果层肉又唔会干，最紧要系唔会食落觉得油腻！值得一试。3.Rosemary Butter Roast Chick
今日去到坚尼地城试一间法式bistro - Bistro du Vin
曾经去过巴黎同南法，真系好中意好中意南法嘅蔚蓝海岸！对住地中海果一片海真系呢生人见过最纯粹嘅蓝。好，拉远左。想讲嘅系开系西环海旁呢间小小bistro，令我谂返起尼斯果段一睁开眼睛就系一望无际嘅海岸线嘅日子，心里面默默唱住梁静茹嘅 "蔚蓝海岸 遗忘你的远方"，好怀念果啲悠悠海风吹过嘅时光呀。
入到门口就见到呢6支巨型酒。问过先知呢个size嘅酒叫magnum，系我地平时饮开standard size嘅2倍！而佢地嘅价钱就唔止系贵左一个double咁简单啦，因为magnum wine系需要更长嘅时间去酿制，而佢地嘅品质亦因此比普通wine高上几grade。
Bistro入面，有少少暗，墙上有好多画呀装饰呀，都有feel嘅。感觉到想营造法办风情嘅诚意～
1.最中意食带子，呢度嘅煎带子配牛油唔错，只带子够大只又厚身，又冇煎得过熟。
2.Suckling Pig Confit唔好睇佢个样就好似烧猪咁，呢度整到皮够脆之余下面薄薄果层肉又唔会干，最紧要系唔会食落觉得油腻！值得一试。
3.Rosemary Butter Roast Chicken，烧好会全只连埋Rosemary上左台比我地欣赏下先，然后再拎去切，配埋青豆。嗯，首先青豆系我头号敌人之一。只鸡呢，头几啖真系好香口好好味，但系好快就好易觉得溜。
4.最后黎嘅橙酒Souffle系highlight! 中意Souffle入口即溶嘅空气感，而难得嘅系橙酒嘅味道反而会系口入面萦绕不散。配角朱古力雪糕都好有水准，朱古力味好浓又够滑！估唔到最欣赏系个甜品，哈哈。
整体而言系好味嘅。法国菜黎讲价钱都叫都值得（法国菜一向贵._.）。
黎嘅记住book位~ 望落都几full呢。
张贴
