Ankôma

营业中

休息中

Ankoma系一间法日嘅fine dinning，所以菜式嘅组合唔会话好单一☺️ 吞拿鱼他他脆卷配柚子胡椒同北海道马粪海胆配法式多士都好开胃☺️ 北海道北寄贝配上鱼汤泡沫加咗少少清酒感觉好鲜味，紫菜白子天妇罗加埋蔬菜汁，再喺上面加咗乌鱼子同七味粉调一调味，咸香得黎而且辣辣地都几惹味！招牌鱼子酱天使面当然唔少得，用咗白松露油同紫苏花，味道唔会话过分浓烈同冻食都唔错😗 日式生牛肉他他用上M6和牛做成，加埋另一款鱼子酱同面包粒，不论系味道同口感上都增加咗层次！甘鲷立鳞烧加左用上清酒煮成嘅白奶油酱同刁草油，好香同鱼质几滑，都几夹。我地主菜拣左本地三皇鸡，焗到皮脆肉滑，配埋个用左黄酒同鸡汁做成嘅酱汁认真几好味，再加埋一个用上北海道七星米、日本三文鱼籽同万能葱，捞埋啲汁一齐食真系极度comfort food黎😂 虽然食到呢度已经好饱，但甜品嘅栗子麻薯挞真系不得了😍加埋云呢拿雪糕，仲有日本熊本士多啤梨，几饱都会食埋佢😚